Легендата на Манчестер Јунајтед, Вејн Руни, го повика менаџерот на Ливерпул, Арне Слот, да ја изостави ѕвездата Мохамед Салах од составот за последниот натпревар на Египќанецот на „Енфилд“.
Смелиот предлог на поранешниот напаѓач доаѓа по неодамнешната остра изјава на крилниот напаѓач против Холанѓанецот, што не е прв пат тој да го прави тоа.
„Тажно е по сè што направи и постигна во Ливерпул. Нема смисла тој да излегува и да прави нови напади врз Арне Слот. Тој сака да игра хеви метал фудбал, па во основа вели дека го сака стилот на Јирген Клоп. Но, не мислам дека Салах може да се справи со таков фудбал во моментов. Мислам дека неговите нозе повеќе не можат да го поднесат темпото и интензитетот. Да бев Слот, немаше да го пуштам да се приближи до стадионот во последниот натпревар. Истото се случи и помеѓу мене и Сер Алекс Фергусон. Се скарав со него и поради тоа во неговиот последен натпревар на „Олд Трафорд“ ме исфрли од составот. Салах пушти „бомба“ и рече дека не му верува на Слот, речиси ги разочара своите соиграчи кои беа во клубот оваа сезона. Ги стави во ситуација каде што и тие беа вклучени во таа ситуација.
Мислам дека се однесуваше многу себично. Штета е, иако навивачите ќе бидат на негова страна. Бидејќи бев во соблекувална во слична ситуација, мислам дека Салах точно знае што прави. Но, тој е твој менаџер и не можеш двапати да го навредиш и да се извлечеш неказнето. Па, да бев Слот, ќе го искористев мојот авторитет и само ќе му речев: „Слушај, нема да одиш никаде близу до стадионот во недела, без разлика дали ти се допаѓа или не“. Навистина се сомневам дека ќе го стори тоа, но мислам дека треба. Секако дека Салах заслужува добро испраќање, но по ова, дали е тоа случај? Тој е навреден по втор пат. Штета е што едно од култните лица на Премиер лигата ја напушта лигата на таков начин“, коментираше Руни во својот поткаст на Би-Би-Си.
