Арсенал е во голема неволја бидејќи сериозно им е загрозено првото место и титулата Премиер лигата.
„Топџиите“ имаапредност од девет бода пред Манчестер Сити. Сепак, поразот од 2-1 кај Борнмут му даде шанса на Манчестер Сити. Минатиот викенд, „граѓаните“ победија во натпревар „вреден шест бода“. Беше 2-1 за Сити и сега тимот заостанува три бода и има натпревар помалку против Кристал Палас.
Сити ќе го прескокне Арсенал со победа бидејќи, покрај истиот број бодови, ќе имаат подобра гол-разлика, а исто така ќе имаат и подобар меѓусебен скор.
Сепак, остануваат уште пет кола и Арсенал има шанса, но според еден од старите ривали на „топџиите“, навивачите се тие што треба да се подобрат.
„Ги видов како го исвиркуваат тимот против Борнмут. Арсенал беше брилијантна цела сезона, а сега се во лоша форма. Треба да сфатат колку поддршката од навивачите значи за играчите и колку може да помогне“, вели Вејн Руни.
„Секој ден играчите работат напорно на тренинзите и да бидат во позицијата во која се, кога ќе изгубите натпревар и ќе бидете исвиркани, тоа може да влијае на играчите. За Арсенал да ја освои титулата, навивачите мора да ја одиграат својата улога“, додава поранешниот играч на Евертон и Манчестер Јунајтед.
