Мајкл Карик е веќе фаворит да остане главен тренер на Манчестер Јунајтед. Ова е логична последица од перформансите на „црвените ѓаволи“ откако го презеде тимот. Карик започна со победи над Манчестер Сити и Арсенал, а под негово водство тимот забележа четири победи од пет натпревари.
Раководството на клубот е импресионирано не само од резултатите и перформансите на Манчестер Јунајтед во овој период, туку и од одличната атмосфера создадена од тренерот.
Стручњаот призна дека ова е неговата работа од соништата.
„Навистина уживам во тоа, го сакам тоа што го правам. Имам среќа. Имам привилегија што сум на оваа позиција. Го кажав тоа кога пристигнав – постои сентиментален елемент. Откако поминав низ клубот и го сакав, тоа е од една страна, но всушност сум тука за да работам и да го направам тимот успешен“, рече Карик во интервју за Би-Би-Си.
Додаде дека тој не одлучува колку долго ќе остане, но додека е во клубот, ќе даде сè од себе.
„Планирам долгорочно, но тоа е за доброто на клубот. Верувам дека така треба да биде“, истакна тој.
