Селекторот на фудбалската репрезентација на Македонија, Гоце Седлоски на прес-конференција пред претстојниот натпревар против Данска, порача дека ова е голем момент за тимот.
„Имаме шанса да се бориме за место на Светско првенство и тоа е мотив што ја обединува целата држава. Данска е квалитетен и респектиран противник, но и ние сме тука со причина“, изјави селекторот.
Во тимот гледа „енергија, концентрација и желба“.
„Играчите го разбираат значењето на дресот и верувам дека тоа ќе го покажат на терен. Подготвени сме тактички, знаеме што сакаме да играме, иако одлуката за составот и формацијата останува кај мене. Ни недостасуваат одредени фудбалери, но тоа не го менува нашиот пристап. Данска е силна, но ние сме фокусирани на нашата игра. Во вакви натпревари деталите одлучуваат, а верувам дека имаме што да покажеме“, порача тој пред мечот.
