По досега завршените натпревари од Светското првенство, имаше неколку промени во шансите за освојување на Златната топка за најдобриот фудбалер во светот.
Хари Кејн дојде на Светското првенство како прв фаворит, откако постигна 74 гола оваа сезона, што е втората најефикасна сезона досега видена во светскиот фудбал (по Лионел Меси во 2012 година).
Кејн е сè уште блиску до освојување на Златната топка, но според квотите тој повеќе не е изразен фаворит. Него го престигна фантастичниот Килијан Мбапе, кој одлично се снаоѓа со Франција на Светското првенство.
Според проценките на аналитичарите, Мбапе има 32 проценти шанси да ја освои Златната топка, додека Кејн е на второто место со 29 проценти. Значи, чекаме да видиме кој ќе ја освои титулата светски шампион, ако е Франција – Златната топка оди кај Мбапе, а ако е Англија – очигледно е дека Златната топка оди кај Кејн.
Но, Меси е блиску. Славниот Аргентинец на третото место има 13 проценти шанси да ја освои Златната топка, но за тоа ќе треба да се истакнува до крајот на Светското првенство и да им донесе на „гаучосите“ нова светска титула.
Дури и тогаш нема да биде сигурен поради скромното ниво на фудбал што се игра во МЛС лигата, каде што Меси моментално е ангажиран.
По овие тројца фаворити за Златната топка, следат Усман Дембеле, Џуд Белингам, Ламин Јамал, Мајкл Олисе…
