Оваа недела на европските клупски турнири беше речиси совршена за шпанскиот фудбал. Победата на Рајо Ваљекано над Стразбур (1:0) и нерешениот резултат на Атлетико Мадрид со Арсенал (1:1) ја зацврстија втората позиција на Шпанија на ранг-листата на УЕФА, што носи како награда дополнително, петто место во следното издание на Лигата на шампионите. Инаку, Англија веќе си ја загарантира другата петта квота.
Поразите на двата германски претставници – Баерн во Лигата на шампионите и Фрајбург во Лигата на Европа – ѝ дозволија на Шпанија дури и да го зголеми своето водство во коефициентите. Во моментов, Шпанците имаат 21.534 поени наспроти 21.214 за Германија. Лидер на ранг-листата останува Англија со 26.680 поени, прецизира „Ас“.
🚨 🇪🇸 Spain are on the brink of SECURING an extra Champions League spot!
✅ 🇪🇸 Rayo Vallecano added them +0.250 points as they defeated Strasbourg tonight!
❌ 🇩🇪 Germany added NO POINTS this week as Freiburg lost in last minute away at Braga! pic.twitter.com/Xhtpdz4EA7
— Football Rankings (@FootRankings) April 30, 2026
Разликата меѓу Шпанија и Германија може да се покаже како сосема доволна, освен ако не се случи драстичен пресврт. Остануваат само два натпревари во европските клупски натпреварувања – реваншите од полуфиналето и финалето. Сценариото што би им наштетило на шпанските амбиции е Рајо и Атлетико да бидат елиминирани во реваншите, додека Фрајбург и Баерн ќе се вратат и ќе се квалификуваат за финалето.
Но, дури и во таков сценарио, еден од германските тимови можеби ќе мора да освои европски трофеј за да ги престигне на ранг-листата. Доколку тоа не се случи, петтопласираниот тим во Ла Лига ќе добие директен влез во Лигата на шампионите. Оваа позиција моментално ја држи Бетис, кој има шест бода предност со пет кола до крајот.
 и нерешениот резултат на Атлетико Мадрид со Арсенал (1:1) ја зацврстија втората позиција на Шпанија на ранг-листата на УЕФА, што носи како награда дополнително, петто место во следното издание на Лигата на шампионите){kind=link}