Селекторот на аргентинската репрезентација, Лионел Скалони, коментираше за претстојното учество на Лионел Меси на Светското првенство. Ова ќе биде шесто Светско првенство за легендата на Барселона.
„Тој е најдобриот пример за младите луѓе кои го гледаат и велат: „Видете, тој постојано се обидува, сака да игра, сака да биде таму“. Тоа е токму најдобриот пример“, рече Скалони.
„Меси речиси и не се променил, тој останува ист играч, ист борец. Тој оди на своето шесто Светско првенство со ист ентузијазам. И не мислам дека тоа ќе се промени. Тоа е примерот што сакаме да им го дадеме на младите фудбалери. Погледнете, прашањето не е колку сте освоиле или како сте играле, туку како се однесувате кон вашата работа. Токму тоа се обидуваме да им го објасниме на момците. И тие го гледаат тоа“, додаде тренерот, цитиран од „Оле“.
Досега, Меси учествувал на Светските првенства во 2006, 2010, 2014, 2018 и 2022 година. Во Катар ги предводеше „гаучосите“ до светската титула.
