Един Џеко пропушти пенал против Италија поради повреда во последните моменти од натпреварот, но неговите соиграчи од Босна и Херцеговина успеаја да победат и да се квалификуваат за Светското првенство.
Следеше прослава, потоа шок и прашањето – дали Џеко ќе може да игра на Светското првенство?
Прогнозите се движеа од најмрачни во форма на операција, до нешто пооптимистички, а самиот Џеко проговори за сè.
„Што знам, ми се случи. Ќе го кажам повторно, имам чувство дека е судбина што се случува во последната секунда од играта, а потоа не можам да го изведам пеналот, па некој постигнува гол наместо мене. Којзнае, можеби ако јас го изведев шутот немаше да постигнам гол. Сето тоа доаѓа „одозгора“, рече Џеко.
И потоа дојде она што навивачите го чекаа: „Раката не е најлоша, најверојатно нема да треба операција, се надевам дека ќе се вратам на теренот за еден месец – месец и половина“, додаде тој.
Се чини дека ова ја реши последната дилема, односно дека Џеко, кој е играч на Херта Берлин, ќе биде потпората на „змејовите“ на Светското првенство, каде што ќе играат во групата Б со Катар, Канада и Швајцарија.
