Реал Мадрид се соочува со сериозни проблеми во последниот дел од сезоната што одат подалеку од она што се случува на теренот.
Според шпанските медиуми, тензии во тимот се појавиле за време на еден од тренинзите, кога избувнал жесток судир меѓу Федерико Валверде и Орелен Чуамени.
Според „Марка“, сè започнало по жесток дуел во играта, но ситуацијата брзо излегла од контрола. Размената на груби зборови ескалирала во турканица на теренот, а расправијата продолжила и по завршувањето на тренингот, зад затворени врати во соблекувалната.
Овој инцидент дополнително ги разгорува приказните за затегнати односи во тимот. Ова не е прв пат да избувнат искри меѓу играчите – неодамна, во центарот на вниманието беа и Антонио Ридигер и Алваро Карерас, чиј конфликт подоцна беше ублажен јавно, но не беше без последици за атмосферата.
Сето ова доаѓа во деликатен момент за „кралскиот клуб“. Без јасни цели на повидок на крајот од сезоната и притисокот од претстојното Ел Класико против Барселона, ситуацијата во соблекувалната дополнително ја комплицира веќе турбулентната сезона.
Потенцијалниот исход од овој дуел би можел дури и математички да ја доближи титулата до каталонските ривали, што би бил уште еден тежок удар за Реал во година обележана со внатрешни конфликти.
