Фудбалскиот клуб Реал Мадрид одлучи да проговори за непријатните настани што се случија во соблекувалната.
Кралскиот клуб со ужас ги гледа настаните што ги снајде, кога по конфликт, фудбалерот Орелан Чуамени го удри својот капитен Федерико Валверде.
Тензијата меѓу двајцата трае долго време, а ескалираше во неделата пред „Ел Класико“.
Се наводно започнало наутро, кога уругвајскиот играч од средниот ред одбил да се ракува со својот соиграч, што отворено покажало колку е трајно нарушен односот меѓу нив. Тензијата продолжила да расте за време на тренингот, а по завршувањето следела жестока расправија, а потоа и физичка пресметка меѓу Уругвајецот и Французинот.
Ситуацијата била толку сериозна што другите играчи морале да реагираат за да спречат понатамошна ескалација. За време на инцидентот, Валверде претрпел силен удар, пишува „Марка“, а тренерот Алваро Арбелоа го испратил да побара медицинска помош во болница.
Извори блиски до тимот тврдат дека ова не е изолиран случај, туку јасен показател за сериозно нарушени односи во соблекувалната во многу деликатна фаза од сезоната.
Раководството на Реал прво издаде кратко соопштение за самиот инцидент.
„Реал Мадрид објавува дека, по настаните што се случија утрово, клубот одлучи да покрене дисциплинска постапка против нашите играчи Федерико Валверде и Орелен Чуамени. Клубот ќе ја информира јавноста навремено за исходот од двата случаи, откако ќе бидат завршени соодветните внатрешни процедури“, се вели во соопштението на познатиот клуб.
Следеше второ соопштение, во кое се наведува дека Валверде има сериозни повреди.
„Тестовите на кои беше подложен Феде Валверде дијагностицираа трауматска повреда на мозокот. Валверде е на домашно лекување кое ќе трае од десет до 14 дена, како што налагаат медицинските протоколи.“
Јасно е колку е сериозна ситуацијата во кралскиот клуб и дека не е достојна за нивото на кој било клуб од понизок ранг.
По оваа неуспешна сезона, раководството на клубот ќе мора добро да размисли какви промени во играчкиот кадар ќе направи ова лето.
