Кошаркарите на ТФТ претрпеа пораз со 97:61 (54:32) на гостувањето кај Борац Чачак во баражот за влез во АБА-1 лигата.
Гостите од Скопје успеаја да поведат само со 2:0 на почетокот од натпреварот, а сè друго беше во знакот на многу подобриот тим на Борац, кој ја зголемуваше својата предност во однос на вечерашниот ривал од четвртина во четвртина.
Марко Јошило со 20 поени и пет скока, како и Петар Николиќ со 20 поени, 7 скока и 4 асистенции беа најдобри во тимот на Борац, а по нив следуваше Никола Манојловиќ со 16 поени и 7 скока.
Дејвис беше најдобар во тимот на ТФТ со 17 поени и четири скока.
Вториот дуел се игра во недела, 10 мај во Скопје, а евентуален триумф на тимот на Боро Смилковски ќе донесе мајсторка повторно во Чачак на 15 мај.
 на гостувањето кај Борац Чачак во баражот за влез во АБА-1 лигата.){kind=link}