Македонија има шанса да го прослави трофејот од ЕХФ Купот втора година по ред. По Алкалоид, и Охрид ќе ја има меч топката пред своите навивачи, бидејќи играат историска сезона чиј епилог би можел да биде на 30 мај против унгарската Татабања во салата „Билјанини Извори“.
Амбициозниот македонски тим направи скок оваа сезона, со девет победи и само еден пораз во Европа. Во овој век, што се однесува до ЕХФ Купот и неговиот претходник, Челинџ Купот, само три тима ги имале сите победи на патот до трофејот. Последниот тим што го сторил тоа беше Спортинг во сезоната 2018/2019, а пред тоа, шведски Савехоф 2014, и СКА Минск една година претходно, исто така славеа без грешка.
Она што го прави Охрид апсолутно доминантен е гол-разликата со која ги победија своите ривали до финалето. Во досегашните десет натпревари, Охрид постигна 114 гола повеќе од своите ривали и е неспоредлив во ова натпреварување по тој параметар.
Тимот од Лисабон ја заврши сезоната 2019 со десет победи и гол-разлика од +99. СКА Минск беше убедлива во 2013 година со +86 во десет натпревари. Војводина го освои трофејот со Ројевиќ на клупата со два порази и гол-разлика од +67, Алкалоид беше поубедлив минатата сезона со еден нерешен резултат и еден пораз (+71), а некако „построги“ кон своите противници во минатото беа победничките генерации на АЕК (+73 со пораз и нерешен резултат) и ЧСМ Букурешт (+76 со нерешен резултат).
Интересно е што ривалот на Охрид, унгарска Татабања, стигна до финалето со два порази и еден нерешен резултат, со скромна гол-разлика од +23.
Дали ова е параметар што може да игра каква било улога во финалната пресметка? Веројатно не, но секако е интересен показател за сè што сме виделе на европските терени во најмладото европско клупско натпреварување, пишува balkan-handball.
