Италијанскиот фудбалски клуб Рома се подготвува официјално да го објави својот нов главен спонзор, но во меѓувреме ја разгледува својата нова управувачка структура, во која легендата на клубот Франческо Тоти ќе преземе водечка улога, објавуваат италијанските медиуми.
Според весникот „Кориере дело Спорт“, разговорите меѓу Рома и Франческо Тоти во врска со враќањето на поранешниот капитен во клубот продолжуваат со брзо темпо. Се наведува дека страните се приближуваат кон конечен договор.
Желбата на поранешниот број 10 на „Џалоросите“ е јасна: тој сака клучна улога, а американските сопственици на семејството Фридкин се подготвени да го прифатат.
Тој разговорал и со тренерот на тимот, Џан Пјеро Гасперини за иднината на клубот и плановите за трансфери, се вели уште во информациите од „Кориере дело Спорт“.
