Аргентинецот Кристијан Фабијани (42) денеска беше промовиран како нов тренер на македонскиот шампион Вардар.
Според тимот, Фабијани пристигнува „со богато фудбалско и тренерско искуство и со јасна визија – модерен, офанзивен и дисциплиниран фудбал“.
Оттаму додаваат дека тој е „човек кој носи јужноамериканска енергија, страст и амбиција да го подигне Вардар на уште повисоко ниво“.
Неговата тренерска кариера ги вклучува водењето на Феникс де Пилар, Депортиво Риестра, Депортиво Мерло и за последно во Њуелс Олд Бојс.
Како фудбалер има настапувано, меѓу другите, за Ланус, Ривер Плата, Њуелс Олд Бојс во Аргентина, а има искуство во Европа во ЦФР Клуж.
Се пензионираше во 2020 година.
