ФК Вардар соопшти денеска дека Горан Закариќ, Методија Велковски, Ненад Мишковски и Филип Дурански постигнаа договор за продолжување на соработката со клубот до 30.06.2027 година.
Од друга страна, соработката со фудбалерот Фаустин Сенгор е завршена, по заеднички договор.
„Во името на клубот, му благодариме за неговиот ангажман, професионалниот однос и придонесот додека го носеше дресот на ФК Вардар. На Сенгор му посакуваме многу здравје и успех во понатамошниот тек од неговата фудбалска кариера“, соопштија од клубот.
Со победата во Струга пред три дена, Вардар и официјално ја обезбеди шампионската титула на едно коло пред крајот на сезоната во ПМФЛ.
