Селекторот на Мароко, Мохамед Ваби, го изрази своето разочарување откако беше елиминиран од Франција (0:2) во четвртфиналето на Светското првенство. Селекторот коментираше за контроверзната ситуација кога беше постигнат првиот гол на „петлите“ и ја анализираше изведбата на своите играчи во двете полувремиња.
„Мора да признаеме дека игравме против многу силен тим. Многу страдавме во првото полувреме, но одбранeтиот пенал на Боно нè одржа во игра. Во второто полувреме се браневме многу подобро и бевме помирни кога ја имавме топката. Изгледавме многу подобро. Во првото полувреме имав чувство дека некои играчи едноставно немаа здив, но истите овие момци го започнаа второто полувреме одлично“, смета Ваби.
Мароканскиот селектор посвети посебно внимание на ситуацијата што доведе до првиот гол на Килијан Мбапе
„Голот дојде по контроверзна ситуација со топката. Некои од нашите играчи едноставно застанаа затоа што видоа игра со рака. Имаше игра со рака, но не знам дали требаше да се продолжи со игра или не, немам поим. Следеше индивидуална акција на Мбапе и тој постигна гол. Беше тешко на крајот, но верувам дека мора да продолжиме да веруваме и да работиме“, додаде стручњакот.
Тренерот заврши со поглед кон иднината и развојот на мароканската репрезентација.
„Мора да продолжиме да работиме на темелите. Треба да се осигураме дека кога има повредени или поуморни играчи, имаме поширок спектар на играчи како алтернатива. Одиме напред, нема да застанеме тука. Исклучително сме разочарани затоа што сакавме нешто повеќе, но мора да го прифатиме тоа“, заклучи Мароканецот.
 во четвртфиналето на Светското првенство. Селекторот коментираше за контроверзната ситуација кога беше постигнат првиот гол на „петлите“ и ја анализираше изведбата на своите играчи во двете полувремиња){kind=link}