Баерн го пречекува Реал Мадрид во 21 часот во реванш натпреварот од четвртфиналето на Лигата на шампионите. Германскиот шампион победи со 2-1 кај Реал Мадрид во првиот натпревар.
Ноќта пред реваншот, навивачите на Баерн изведоа акција за да го одвлечат вниманието и да ги разбудат играчите на Реал Мадрид. Тие фрлаа петарди и запалија огномет пред хотелот во Минхен каде што престојуваше Реал Мадрид.
😯🧨 PETARDOS EN EL HOTEL DEL REAL MADRID.
😳 Fuegos artificiales de madrugada y la seguridad del club busca a los responsables.
📹 MOMENTO CAPTADO por @elchiringuitotv. pic.twitter.com/kffkkwIdcm
— El Chiringuito TV (@elchiringuitotv) April 14, 2026
Ова го снимија шпански новинари кои дојдоа во Германија за да известуваат за натпреварот. Снимката покажува дека над хотелот и во близина на највисоките катови од зградата бил запален огномет. Шпанците додадоа дека обезбедувањето распоредено околу хотелот тргнало во потрага по оние кои го запалиле огнометот.
Подобриот од двојката Баерн и Реал ќе се пласира во полуфиналето на Лигата на шампионите, каде што ги чека ПСЖ, актуелниот победник на натпреварувањето.
Другиот полуфинален пар ќе биде Атлетико Мадрид и победникот од двојката Арсенал – Спортинг Лисабон.
