Бразил го победи Египет со 2-1 на последниот тест пред почетокот на Светското првенство, но Карло Анчелоти има повеќе за што да се грижи по овој натпревар.
Десниот бек на Бразил, Весли, беше заменет во 17-тата минута од натпреварот поради повреда.
Според бразилските медиуми, станува збор само за истегнување на глуждот, Весли го избегна најлошото. Сепак, мора да почекаме детални прегледи.
Бразил ќе мора брзо да реагира и да размисли ако се покаже дека Весли ќе мора да мирува повеќе од десет дена бидејќи времето за повикување замена брзо истекува.
‼️¡Varapalo para Wesley! El futbolista de la selección brasileña abandonó el amistoso ante Egipto con dolores en la ingle
😅Brasil terminó ganando el partido (2-1) pero el resultado, quedó en segundo plano ante la incertidumbre que provoca la posible lesión del defensa pic.twitter.com/jZhLS3dU9K
— Diario SPORT (@sport) June 7, 2026
Карло Анчелоти исто така зборуваше за ова по овој натпревар:
„Пред се, голема штета е што го загубивме Весли. Мораме да почекаме за сите тестови и прегледи. Но, имаме добри играчи кои можат да го заменат доколку е потребно“, рече Анчелоти и нагласи дека го знае почетниот состав за првиот натпревар на Светското првенство, а тоа е натпреварот против Мароко:
„Донесов одлука за почетниот состав за натпреварот против Мароко. По овој натпревар, имам повеќе цврсти одлуки отколку сомнежи. Ова беше добар тест за нас“.
Тој особено го пофали Енрике:
„Тој е многу моќен и секогаш е на вистинското место во шеснаесетникот. Но, иако Матеус Куња можеби нема завршен допир како Енрике, тој е многу важен во градењето на играта“.
Бразил игра против Мароко на 14 јуни на полноќ. Потоа на 20 јуни (2:30 часот) против Хаити и на 25 јуни на полноќ против Шкотска.
