Њујорк Никс ги победи Кливленд Кавалирс со 115-104 во продолжение во првиот натпревар од финалето на Источната конференција, откако заостануваа со дури 22 поени разлика во четвртата четвртина.
Брилијантниот Џејлен Брансон повторно ги предводеше своите Никс со 38 поени, 6 асистенции и 5 скока, додека Микал Бургес додаде 18 поени, а Карл-Ентони Таунс, ОГ Ануноби и Џош Харт постигнаа по 13 поени.
Кавси го контролираа поголемиот дел од натпреварот, а по три четвртини водеа со 83:69, а Џејмс Харден го зголеми водството од линијата за слободни фрлања на максимални 93:71 со нешто помалку од 8 минути до крајот на натпреварот. Потоа Брансон ја презеде контролата и започна нереална серија на Њујорк Никс од 18:1, која ја заврши со кош за израмнување на 101:101 и продолжение.
Во продолжението, Никс веднаш направија серија од 9:0 и не им дозволија на Кавалирс да најдат ритам. Ландри Шамет постигна клучна тројка за да му донесе на Њујорк голема предност од 9 поени, а Макс Страс одговори со тројка, што беа единствените поени на Кливленд во продолжението. После тоа, ОГ Ануноби погоди пет слободни фрлања за конечни 115:104 и водство од 1-0 во финалето на Источната конференција.
За Кливленд, Донован Мичел постигна 29 поени, но во последните 14 минути од натпреварот постигна само 3 поени, додека Џејмс Харден и Еван Мобли додадоа по 15 поени, а Сем Мерил додаде 12 поени од клупата. Стартерите Џарет Ален и Дин Вејд постигнаа по 10 поени, што не беше доволно за Кливленд да победи и да ја прекине серијата рано.
Никс покажаа карактер во овој натпревар што беше клучно во последните минути, а пред да стигнат до големиот пресврт, статистиката им даде на Кавс 99,9% шанси за победа про водство од 93:71. Потоа Њујорк направи неверојатна серија од 44:11 во последните 12 минути и 40 секунди, вклучувајќи го и продолжението, и го постигна вториот најголем пресврт во четвртата четвртина во плејофот во последните 30 сезони и најголемиот во историјата на Њујорк Никс од 1970 година. Единствениот поголем беше кога Лос Анџелес Клиперс постигнаа 24 поени против Мемфис Гризлис во 2012 година.
NEW YORK WENT ON A 44-11 RUN TO COMPLETE A 22-POINT COMEBACK WIN IN GAME 1 💨
DOWN 22 WITH UNDER 8 TO PLAY IN Q4.
30-8 RUN TO FORCE OT.
WON BY 11.1-0 SERIES LEAD IN THE EAST FINALS 🍿 pic.twitter.com/0InzFeaG4M
— NBA (@NBA) May 20, 2026
Победата е осма по ред за Никс во плејофот, откако не загубија од натпреварот од првото коло против Атланта Хокс на 23 април. Тимот сега има шанса да ја зголеми својата предност и да се приближи до својот прв настап во финалето на НБА по 1999 година во вториот натпревар во Медисон Сквер Гарден во четврток.
