Екипите на ТФТ и Златибор ќе играат трет натпревар во четвртфиналната серија од плеј-офот во АБА 2 лигата. Вечерва во вториот одигран дуел во салата „Лазар Лечиќ“ во Скопје, македонскиот претставник победи со 87:79 (33:49) против подоброрангираниот состав.
Иако гостите од Златибор на полувремето имаа водство од +16, второто беше целосно во знакот на македонскиот тим. На крајот на третата четвртина резултатот на семафорот гласеше 60:67, а само две и пол минути игра во последниот дел, ТФТ изедначи на 67:67. По тројката на Говенс, на средина од тој период, веќе тимот го презеде и водството (75:73).
Дејвис беше најефикасен и забележа 24 поени, седум скока и шест асистенции, а помогнаа Гордон со 16, Говенс со 15 и Зафиров со 13.
„Мајсторката“ ќе се игра на 31 март по која ќе се знае полуфиналистот во ова регионално натпреваруавње.
