Центарот на Мајами Хит, Бам Адебајо, стана само вториот играч во историјата на НБА франшизата што достигна 10.000 поени утрово! Двејн Вејд долго ќе остане водечкиот стрелец на Хит на сите времиња со 21.556 поени, но малкумина можеа да претпостават пред девет години дека Адебајо ќе го запише своето име на листата на стрелци.
Кога Мајами го драфтуваше како тинејџер од Кентаки, од него се очекуваше да го прави она што го прави најдобро – да игра одбрана, да собира скокови, да „лепи банани“ и да постигнува по неколку поени.
„Бев драфтуван да играм одбрана, а сите мислеа дека сум само закана под кошот“, се присети Адебајо на своите рани денови.
Во натпреварот против Детроит, му беа потребни 23 поени за да надмине 10.000, а постигна уште еден во триумфот од 121:110.
„Големо достигнување е да бидам втор стрелец на Хит по феноменалниот Двејн Вејд. Сето ова само го покажува растот на мојата игра, организацијата верува во мене. Тука сум толку долго што можам да трчам 10 километри со истиот тим“, рече Бем.
Високиот центар сè уште треба да стане легенда на клубот во она што е негов приоритет – скоковите. Удонис Хазлем има 207 скокови повеќе, па Адебајо (5.379) се надева дека до крајот на оваа сезона, во преостанатите 17 натпревари, може да го престигне и да стане рекордер во франшизата.
