Тренерот на Панатинаикос, Ергин Атаман, изјави дека изненадувачкиот пораз од Ираклис не ги нарушува плановите на тимот.
Атинските „зелени“ беа поразени во домашното првенство по четврти пат, дури ни 48 часа по поразот во Евролигата од Олимпијакос, и на место каде што малкумина очекуваа такво сценарио.
Избраниците на српскиот тренер Зоран Лукиќ славеа со 76:74 со кош во последната секунда, иако на почетокот на третата четвртина губеа со 29:50.
„Денешниот пораз не нè чини ништо во однос на нашите цели. Сепак, претстојните натпревари што ќе ги играме во Евролигата се клучни за нашите цели. Ништо не се менува. Во најлоша ситуација сме, но имаме ментална и физичка способност да се вратиме на врвот по лош период. Имаме исклучително добар тим. Се надевам дека ќе го имаме на располагање и Лесор“, рече Атаман по натпреварот.
„Овие работи се случуваат во кошарката, но можам да кажам дека сме во најлошата ситуација оваа сезона“, додаде турскиот стратег.
Тренерот на Панатинаикос сака што побрзо да го заборави непријатниот натпревар на гостински терен во Солун бидејќи доаѓаат решавачките натпревари во Евролигата, каде што ПАО не е во најдобра позиција.
„Не сакам да барам изговори за денешниот пораз повикувајќи се на распоредот на Евролигата. Во секој случај, мора да најдеме начин да ги добиеме овие натпревари, како што правевме во претходните сезони. За жал, оваа година загубивме три натпревари во домашното првенство, што е многу лошо за нас.“
ПАО ги игра следните три натпревари дома – негови ривали се Жалгирис, АЕК и Црвена Звезда.
„Ако играте за Панатинаикос, ако го тренирате Панатинаикос – еден од најдобрите тимови во Европа – секогаш има притисок за резултати. Мора да се справите со тој притисок. Отсега, секој натпревар од Евролигата ќе биде како финале за нас. Имаме добар распоред, а имаме и домашни натпревари против Жалгирис, Монако и Црвена Звезда, кои исто така бркаат плејоф. Ако играме како во Купот, ако пристапиме кон секој натпревар со вистински менталитет, можеме да ги постигнеме нашите цели. Секако, нашата прва цел сега е плејофот. Не можеме да зборуваме за Фајналфорот или за освојувањето на Евролигата. Мора да одиме чекор по чекор. Реалноста е дека ни треба 100-процентен успех во трите натпревари што ги имаме на ОАКА.“
