Тренерот на Манчестер Сити, Пеп Гвардиола може да добие забрана од два натпревари за водење на тимот од клупата.
Познатиот стратег беше обвинет дека викал и бил груб кон судиите за време на натпреварот од ФА Купот во кој Манчестер Сити го победи Њукасл со 3-1.
Судијата му даде жолт картон на Гвардиола затоа што протестираше што не беше досуден фаул врз Доку. Тоа беше шестото предупредување на Пеп оваа сезона. Тој веќе беше суспендиран на еден натпревар оваа сезона по натпреварот со Ексетер во ФА Купот.
„Морам да го бранам мојот тим. Тука се пишуваат сите рекорди, а сега ќе станам рекордер по бројот на добиени картони. Сакам сите рекорди да бидат мои“, рече Гвардиола, додавајќи: „Ќе добијам суспензија и само ќе се одморам“.
Доколку нема изненадувања, Гвардиола ќе ги пропушти натпреварите против Вест Хем во Чемпионшип и натпреварот во четвртфиналето на ФА Купот.
