Панатинаикос го победи ПАОК во полуфиналето на грчката лига, а по натпреварот, главниот тренер на „детелините“ Ергин Атаман му честиташе на Олимпијакос за титулата во Евролигата.
„Мислам дека сме подобар тим од Олимпијакос и ќе го покажеме тоа во финалето. Му честитам на Олимпијакос за освојувањето на Евролигата, но ние ќе го освоиме грчкото првенство. Имаме тројца повредени играчи. Тоа се Слукас, Рогавопулос и Калаицакис. Олимпијакос има толку многу странци во тимот, што имаат предност. Подготвени сме за титулата“, рече Атаман по успехот во Солун.
ПАО го освои само Купот на Грција оваа сезона, додека Олимпијакос триумфираше во Суперкупот и Евролигата, а ја брани и титулата шампион на Грција.
