Обновувањето на соработката со Дамјан и Војдан Стојановски беше еден од главните приоритети на управата на кошаркарскиот шампион МЗТ Скопје во пресрет на новата сезона, соопштија денеска од клубот од Аеродром.
За капитенот Дамјан ова ќе биде 14. сезона во сино-белиот дрес, во која ќе атакува на својата 12-та шампионска титула – сите освоени со МЗТ Скопје. Пред Војдан, пак, е шестата сезона во клубот, откако првпат се приклучи на почетокот на 2022 година.
„Продолжувањето на соработката со браќата Стојановски е уште една потврда на нашата клупска определба тимот да биде предводен од (нај)квалитетните македонски кошаркари“, стои во соопштението на „металците“.
Претходно, во клубот се врати репрезентативецот Лука Стојановски, а беше ангажиран и босанскиот интернационалец, Емир Крајиниќ.
Актуелен договор со МЗТ Скопје имаат уште Андреј Андоноски и Марин Петков, со што полека се пополнува ростерот за предизвиците што го очекуваат тимот во домашните натпреварувања, АБА2 лигата и во ФИБА Еврокупот.
