Ѕвездата на НБА шампионот Њујорк Никс – Џејлен Брансон, ќе биде подложен на операција на зглобот, објави ESPN.
Дваесет и девет годишниот бек, кој беше прогласен за најкорисен играч во финалето на НБА, играше со повреда на левиот зглоб за време на плејофот и ќе треба да се оперира пред почетокот на новата сезона.
Тој имаше просек од 32,6 поени, 4,6 асистенции, 4,2 скока и 2 украдени топки во петте натпревари од финалната серија, која Њујорк ја доби со победа од 4:1 над Сан Антонио Спарс.
Според ESPN, Брансон ќе продолжи со тренинзите подоцна во текот на летото и ќе биде подготвен пред почетокот на новата кампања во октомври, кога Њујорк ќе ја започне одбраната на својата прва титула по 53 години.
