Детроит Пистонс го објавија продолжувањето на договорот со главниот тренер Џ.Б. Бикерстаф. Условите на договорот не беа откриени, објави Ројтерс.
Пистонс имаат скор од 60-22, обезбедувајќи го пласманот во плејофот на Источната конференција на НБА оваа сезона. Детроит стана 15-тиот тим што го надмина дефицитот од 3-1 во неделата кога го победи Орландо Меџик во седмиот натпревар од својата плејоф серија во првото коло.
Ова беше првата победа на Детроит Пистонс во плејоф серијата од 2008 година.
Во април, Бикерстаф ја освои наградата за тренер на годината „Мајкл Голдберг“ од Националната асоцијација на кошаркарски тренери (NBCA). Тој беше втор во гласањето за тренер на годината во НБА за сезоната 2024/2025, кога го предводеше Детроит до скор од 44-38 и место во плејофот.
Џ.Б. Бикерстаф беше и главен тренер на Хјустон Рокетс (2015/2016), Мемфис Гризлис (2017/2019) и Кливленд Кавалирс (2019/2024).
