Виктор Вембањама одигра историски натпревар од плејофот на НБА, но дури ни тоа не беше доволно за Сан Антонио Спарс да избегнат пораз на отворањето на серијата од Минесота Тимбервулвс.
Овој настап ги надмина претходните рекорди што ги држеа Марк Итон, Хаким Олајџувон и Ендру Бајнам со по 10 блокади, а Вембањама е првиот играч што отиде чекор понатаму и постави нов стандард во плејофот.
И покрај одличната одбрана на најдобриот дефанзивец во лигата и целиот тим на Спарс, Минесота успеа да најде решенија во нападот и да ги казни лошите проценти на шутирање на Спарс, кои немаа доволно мотивирани играчи за да ја продолжат историската ноќ на својот лидер. Недостатокот на ефикасност беше особено очигледен во клучните моменти, кога домашниот тим не успеа да фати приклучок во резултатот, иако на крајот имаше шут за победа.
Иако резултатот се става во втор план кога се гледаат индивидуалните перформанси, јасно е дека Спарс имаат играч кој веќе ги поместува границите и го менува текот на натпреварите, првенствено со неговата неверојатна одбрана.
Серијата продолжува во среда навечер, кога ќе видиме дали Сан Антонио Спарс можат да одговорат на изненадувачкиот пораз во првиот натпревар од потенцијално многу интересниот дуел.
