Центарот на Олимпијакос, Тирик Џонс, се повреди на четвртфиналниот натпревар од Купот на Грција против АЕК, а сега пристигнаа нови информации.
Џонс се бори со тендинитис (воспаление на тетивата) и нема да игра во полуфиналето на Купот против Маруси, кое е закажано за четврток во 17 часот.
Американскиот центар го фати коленото по една дефанзивна ситуација и отиде на клупата со болни гримаси.
Медицинскиот тим на „црвено-белите“ веднаш му притрча на помош на играчот и го однесе во соблекувалната.
Сепак сега пристигнаа нови информации – центарот на тимот од Пиреја избегна сериозна повреда, бидејќи станува збор за тендинитис.
Се вели дека Олимпијакос сака да го заштити за да може да ја надмине болката и целосно да се опорави.
Тој ќе се обиде да биде подготвен за финалето на Купот на Грција, а неговиот настап во финалето ќе зависи од тоа колку болка ќе почувствува.
