Душко Ивановиќ повеќе не е тренер на Виртус, откако раководството на италијанскиот клуб го отпушти, незадоволно од лошите резултати под водство на црногорскиот стручњак.
Расколот меѓу двете страни тлееше долго време, само за да експлодира по последниот пораз во Евролигата, откако Олимпија Милано убедливо го доби тој дуел, а Карсен Едвардс го гледаше од трибините, поради прекршување на дисциплината и казна од страна на шефот.
„Виртус Болоња сака да изрази искрена благодарност до тренерот Ивановиќ за неговата професионалност, посветеност и работа за време на неговиот мандат. Благодарност му се упатува и на Ненад Трајковиќ. Им посакуваме на двајцата се најдобро во продолжението на нивните професионални кариери“, се вели во соопштението од Виртус по повод разделбата. Тој беше ангажиран од 2024 година.
Додека не се избере „вистинско“ или подолгорочно решение, Ивановиќ ќе биде заменет од неговиот друг помошник – Ненад Јаковљевиќ. Во исто време, постои голема веројатност дека отпуштениот експерт претходно се согласил да соработува со грчки Арис.
