Во првото полуфинале на Мастерс турнирот во Мајами, Чехот Јиржи Лехечка го победи францускиот тенисер Артур Фис во два сета со 6:2, 6:2.
Лехечка го искористи фактот дека горната половина од ждрепката беше чиста по елиминацијата на првиот носител Карлос Алкараз и се пласираше во првото Мастерс финале во кариерата. 22-от тенисер во светот беше доста убедлив против противник рангиран девет места пониско и забележа голема победа за само 77 минути.
Во финалето, Лехечка го чека победникот од вториот полуфинален дуел помеѓу Синер и Зверев, а нема сомнение дека овој пат Чехот ќе биде во улога на аутсајдер.
