Плејофот на НБА започнува во најсилната кошаркарска лига во светот претстојниот викенд. И додека вниманието на многумина е насочено кон претстојните натпревари, неофицијалниот дел од сезоната ветува вистинска драма.
Според инсајдерот од НБА, Марк Штајн, дури три суперѕвезди би можеле да играат за нови тимови следната сезона: Леброн Џејмс од Лејкерс, Кавај Ленард од Клиперс и Јанис Антетокумпо од Бакс.
„Очекувајте многу разговори за нивната иднина во текот на пролетта“, напиша Штајн.
Џејмс (20,9 поени, 6,1 скока, 7,2 асистенции во просек) треба да стане слободен агент ова лето, а неговата иднина со Лејкерс е далеку од сигурна. Иако се ближи кон крајот на својата кариера, тој покажа дека сè уште може да игра на високо ниво. Останува неизвесно дали ќе продолжи да игра во виолетово-златниот дрес, а се зборува дека би можел да се врати во Кливленд Кавалирс.
Кога станува збор за Ленард (27,9 поени, 6,4 скока, 3,6 асистенции), постојат неколку фактори што би можеле да го оддалечат од Клиперси. Од тековната истрага на НБА за неговиот договор до префрлањето на тимот кон помлади играчи, деновите на 34-годишникот во Лос Анџелес би можеле да бидат избројани.
Иднината на Јанис Антетокумпо (27,6 поени, 9,8 скока, 5,4 асистенции) во Милвоки е во вестите речиси една година. 31-годишникот е во центарот на гласините за трејд, а ова лето би можело да донесе конечно заминување.
Бакс се разделија со тренерот Док Риверс на последниот ден од регуларната сезона, што би можело да сигнализира големи промени што доаѓаат во Милвоки. Според извештаите, тој би можел да се приклучи на Л.А. Лејкерс.
