Панатинаикос сериозно размислува како да го подобри својот тим ова лето, а еден од приоритетите на тимот ќе биде привлекувањето на Џими Кларк.
Според „Израел Хајом“, грчкиот гигант покажува голем интерес за американскиот плејмејкер, кој има одлична сезона во Евролигата со тимот на Макаби Тел Авив.
Кларк има договор со „жолто-сините“ за следната сезона, но ова очигледно не претставува голем проблем за Панатинаикос, кој обично зема што сака.
„Детелините“ не се задоволни од перформансите на Ти Џеј Шортс од неговото доаѓање, а бидејќи Џеријан Грант влегува во поодмината возраст, клубот веќе размислува за засилувања.
Џими Кларк целосно се етаблираше во Евролигата оваа сезона, каде што во просек постигнува 9,5 поени, 4,3 асистенции и 1,8 скока, а имаше особено добри натпревари од почетокот на 2026 година, кога доби поголема минутажа и одговорност по повредите на Лони Вокер и Ифе Лундберг.
