Тренерот на Фенербахче, Шарунас Јасикевичиус, не го криеше своето разочарување по убедливиот пораз од 79:61 од Олимпијакос во полуфиналето на Евролигата.
Литванскиот стручњак истакна дека неговиот тим не личел на себе, додека Олимпијакос ја казнувал секоја грешка.
„Олимпијакос беше Олимпијакос, Фенербахче не беше Фенербахче. Секогаш кога им се приближувавме, ни даваа лесни кошеви и тоа го одлучи победникот. Им честитам што стигнаа до финалето“, рече Јасикевичиус по натпреварот.
Фенербахче се обидуваше да фати приклучок во поголемиот дел од натпреварот, но грчкиот клуб секогаш имаше одговор и рутински го доведуваше натпреварот до крај за уште едно финале на Евролигата.
