Кошаркарскиот тим на Сан Антонио убедливо го победи Оклахома Сити со 118:91, со што се избори за решавачкиот седми натпревар во финалето на Западната конференција на НБА.
Спарси наметнаа препознатлив ритам од самиот почеток, контролирајќи ја играта и уништувајќи ги своите ривали со енергија, а клучниот удар го зададоа во третата четвртина кога целосно ги дотолчија Тандер со серија од 20:0.
Тимот од Тексас до триумфот ги предводеше незапирливиот Виктор Вембањама, кој го заврши натпреварот со 28 поени, 10 скока и три блокади.
Тој имаше одлична поддршка од младите бекови – Дилан Харпер додаде 18 поени со шест скока, додека Стефон Касл беше блиску до дабл-дабл со 17 поени и девет асистенции.
Во поразениот табор, нападот на Оклахома целосно потфрли, а најефикасен беше Шај Гилџус-Александар со скромни 15 поени.
Џаред Мекејн постигна 13, Кејсон Волас 11, додека Чет Холмгрен имаше дабл-дабл од 10 поени и 11 скока.
Одлучувачкиот натпревар за местото во финалето на НБА е закажан за недела во 2:00 часот наутро, а домаќин е Оклахома.
