КК Работнички АД Скопје соопшти дека нов член на клубот е младинскиот репрезентативец Атанасиј Трајанов. Тој во Работнички пристигнува од редовите на второлигашот Партизан Водно Санс. Трајанов е висок 2 метра, успешно игра на позициите 3 и 4.
Трајанов (20) е освојувач на златниот медал во 2024 година на европското првенство (Дивизија Б) со младинската репрезентација до 18 години одиграно во Скопје, каде за 21 минута бележеше 6,5 поени и 6,5 скока.
Тој исто така ова лето ги бранеше боите на репрезнтацијата на Македонија до 20 години на европското првенство (Дивизија Б) во Братислава.
