МЗТ Скопје Аеродром го победи Работнички со 97:93 по продолжение од пет минути во дуел од 21 коло од „МТЕЛ“ Супер лигата.
Шампионот имаше + 8 (70:62) во средината на последниот период, но кошаркарите од Градски пар не се предадоа и на 3.6 секунди пред звукот на сирената, Ефремовски со тројка донесе изедначување (81:81), кое значеше и екстра период од пет минути.
Во нив, МЗТ Скопје стартуваше со пет поени, за (86:81). Но Ефремовски и Рикиќ го вратија Работнички назад кон шанса да изненади и да го добие дербито. „Црвено-белите“ поведоа со поените на Робев (89:88). А по тројката на Грушановиќ и со повисоки 92:88.
Но МЗТ Скопје најде одговор и изедначи (92:92). А по двата, помалку и избрзани обиди за три поени, прво на Костоски, а потоа и на Ефремовски, Петков казни со три реализирани слободни фрлања за (95:92).
Во наредниот напад, младиот репрезентативец беше максимално мирен од истата позиција, и ги постави конечните 97:93.
Смит Мексвејн кај МЗТ го заврши дербито со 25 поени, а кај Работнички Ефремовски постигна 27 поени, додек Рикиќ испорача нов двоен учинок од 25 поени и 15скока
МЗТ Скопје да има шанса во последното коло да дојде до првата позиција, на која во моментов е ТФТ, а Работнички ќе се бори за опстанок во суперлигата.
„МТЕЛ“ СУПЕР ЛИГА-МАЖИ, РЕЗУЛТАТИ 21.КОЛО:
ТФТ – Гостивар 87:82
Феникс 2010 – Маџари 72:82
Ангели – Чаир 2030 78:85
МКК Куманово – Кожув 89:82
Пелистер – Тиквеш Голден Игл 82:88
МЗТ Скопје Аеродром – Работнички 97:93
