Победник на Големата награда на Америка во класата Мото ГП, во третата трка од сезоната, е Марко Бецеки! Три трки, три победи и рекорд по број на последователни кругови во кои беше лидер на трката. Бецеки го сруши тој рекорд на средина од трката кога го започна 104-от последователен круг во кој беше лидер.
Ова е петта последователна победа на Бечеки и петта трка во која беше во водство од првиот до последниот круг.
Хорхе Мартин и Педро Акоста му се придружија на подиумот. Победата на Априлија беше целосна во Остин во неделата вечерта.
That's 5 in a row for Bezzecchi and leading EVERY. SINGLE. LAP 🔥#USGP 🇺🇸 pic.twitter.com/IwceG9ipYS
— MotoGP™🏁 (@MotoGP) March 29, 2026
Бецеки е првиот возач кој има серија од пет победи, од кои секоја ја водеше од првиот до последниот круг.
Најмногу последователни победи – 10 – ги држи Марк Маркез, по него следува Валентино Роси кој имаше седум. Маркез, исто така, имаше една серија од седум последователни победи. Роси имаше две серии од пет победи, Маркез една. А сега и Бецеки се придружи на друштвото на двајца вистински великани.
По три трки, Марко Бецеки е лидер во генералниот пласман со 81 бод. Хорхе Мартин е втор со 77, Педро Акоста е трет со 77, а Фабио ди Џанантонио е четврти со 50.
За следната трка ќе мора да почекаме до 24 април и пристигнувањето на караванот на Мото ГП во Шпанија.
