МЗТ Скопје вечерва беа подобри од екипата на Маџари и на вториот меч од финалето на „МТЕЛ“ Супер Лигата на својот терен во СЦ „Јане Сандански“, откако триумфираа со 81:76 (47:31).
„Металците“ имаа контрола над играта и резултатот во најголем дел од мечот и ја оправдаа фаворитската улога.
Смит МекСвејн реализираше 19 поени, осум скока и три асистенции. Еден поен помалку постигна Војдан Стојановски.
Во екипата на Маџари, која ќе биде домаќин на третиот натпревар од серијата во недела навечер, Луис беше најефикасенсо 25 поени, шест скока и две асистенции.
Тимот од Аеродром сега води со 2-0 во серијата и сега имаат три меч-топки за 13 шампионска титула во својата клупска историја.
){kind=link}