Првиот работен ден од задолжителната тренерска клиника во Скопје е во тек, а програмата досега донесе квалитетни предавања и практични демонстрации пред околу 200 тренери од Македонија и странство.
Своите знаења и искуства досега ги споделија Светислав Пешиќ и Хозе Мариа Берокал, со теми посветени на дефанзивната и офанзивната транзиција.
Во попладневниот дел од програмата ќе има уште две предавања. Саша Грујиќ ќе говори за развојот на тимската игра во младинската кошарка, додека Светислав Пешиќ ќе ја заокружи денешната програма со предавање посветено на позициската одбрана.
