Во последниот дуел од плеј-инот на Евролигата, кошаркарите на Монако ја победија Барселона со резултат од 79:70 и со тоа станаа последни учесници во плеј-офот на најелитното кошаркарско натпреварување во Европа.
Монако го контролираше натпреварот во кој водеше од првата до последната минута и на крајот заслужено ја елиминираше Барселона задавајќи ѝ голем удар.
Даниел Тајс го предводеше Монако со 16 поени, додека Мајк Џејмс имаше 13 поени и 10 асистенции. Вил Клајбурн постигна 16 за Барселона.
💥 Ils l'ont fait !!! 🇲🇨🤯
🚀 Victoire contre le Barça dans une ambiance bouillante, la #RocaTeam de retour en playoffs d'Euroleague ! 🔥#DagheMunegu #EveryGameMatters pic.twitter.com/X8HaGgsjJT
— AS Monaco Basket 🇲🇨 (@ASMonaco_Basket) April 24, 2026
Со ова, сите двојки за плеј-офот на Евролигата се комплетирани, а Монако оди кај најдобриот тим од регуларната сезона, а тоа е Олимпијакос. Исто така, Грците ќе имаат предност на домашен терен.
Ова се двојките за плеј-офот на Евролигата:
Олимпијакос – Монако
Валенсија – Панатинаикос
Реал Мадрид – Хапоел Тел Авив
Фенербахче – Жалгирис
Плејофот на Евролигата започнува на 28 април, а конечниот решавачки дуел е закажан за 13 мај.
