Екипата на Пелистер го доби дерби дуелот на третото коло од ТОП 8 фаза во Супер лигата, откако во заостанатиот меч славеше убедлива победа над водечката екипа во првенството ТФТ со 105:69 (66:37).
„Пелистерци“ имаа апсолутна доминација, и изненадувачки лесно славеа против лидерот и финалистот на АБА 2 лигата.
По 20 поени реализираа Дејвис и Вилсон, Џенкинс даде 18, Малешевиќ имаше 11 и 12 скока.
Во гостинскиот тим Стојаноски даде 16 поени), Дејвис имаше 15, а Зафиров и Ташовски по десет.
По овој пораз останува „отворено“ прашањето за тоа која екипа ќе биде првопласирана во регуларниот дел од сезоната.
Ова е 17 победа во сезоната за тимот од Битола (имаат и осум порази), додека ТФТ сега има скор 21-4, каков што има и екипата на МЗТ Скопје Аеродром.
.){kind=link}