Претседателот на Панатинаикос, Димитрис Јанакопулос, имаше остра порака до своите играчи и тренерскиот штаб откако „зелените“ загубија од Арис во грчкото првенство со 83:80.
Турскиот тренер на тимот беше исклучен поради жалба до судиите, што дополнително ја влоши ситуацијата во тимот. Лут поради исходот, Јанакопулос брзо се огласи и ги критикуваше сите одговорни за лошата игра и неуспехот.
Првиот човек на Атињаните се обрати до клубот преку видео порака на својот Инстаграм профил. Накратко, тој им порача на сите тренери и играчи да го напуштат клубот.
„Главни тренери, помошници, дали воопшто знаете за кого играте? Ова е Панатинаикос. Се надевам дека кога ќе се вратите во Атина, сите ќе поднесете оставка ако имате образ. Истото важи и за играчите“, порача ексцентричниот Јанакопулос.
Фото: Јутјуб/Принтскрин/ЕРТ
