Лос Анџелес Лејкерс направија подвиг во првото коло откако ги елиминираа Хјустон Рокетс. Тие беа подобро пласирани на табелата, тимот од Тексас го немаше Кевин Дурант во пет од шест натпревари, но Лејкерс беа без своите двајца најдобри играчи – Лука Дончиќ и Остин Ривс (вториот ги одигра петтиот и шестиот натпревар).
Сега доаѓа уште потешка задача. Практично невозможна мисија… бидејќи Лејкерс се соочуваат со серија со Оклахома Сити Тандер. Актуелниот шампион ги победи Феникс Санс со 4:0, а интересно е што ги добија и сите четири натпревари против Лејкерс во текот на регуларната сезона.
Јасно е дека шансите на тимот од Калифорнија не се големи. Сепак, тренерот Џеј Џеј Редик не обрнува внимание на тие дуели.
„Не можеме ништо да научиме од тие натпревари бидејќи бевме ужасни“, искрен беше тој.
Вистина е дека Лејкерс не беа добри против Оклахома, губејќи со просек од 29,3 поени. Сепак, Редик знае што треба да направи неговиот тим.
„Да не ја предаваме топката лесно. Реалноста е дека кога Хјустон врши притисок врз нас, кога тие вршат максимален притисок врз нас – тоа е минимумот на Оклахома. Тоа е нивниот терен.“, порача тренерот на „езерџиите“.
Колку можат да направат Лејкерси ќе зависи од играта на мветеранот Леброн Џејмс. Но сепак едно е сигурно – Оклахома не е Хјустон.
.){kind=link}