Најпознатиот НБА инсајдер Шамс Шаранија објави дека голем трејд може да се случи на крајот од периодот на размена во најсилната кошаркарска лига во светот.
Имено, одличниот Џејмс Харден треба да го напушти тимот на Лос Анџелес Клиперс, кој активно работи на постигнување договор за негова размена.
И Клиперс и Харден сакаат размена и преговорите се во тек со неколку тимови, а најсериозен кандидат за доведување на Харден во моментов е Кливленд Кавалирс.
„Брадата“ има 36 години и пред да се приклучи на Клиперс, играше за Оклахома Сити Тандер, Хјустон Рокетс, Бруклин Нетс и Филаделфија 76 ерс.
Харден беше МВП на НБА во 2018 година како играч на Хјустон, а учествуваше и во НБА Ол-стар натпреварот 11 пати. Оваа сезона, Харден има просек од 25,4 поени и 8,1 асистенции по натпревар во дресот на Клиперс.
Фото: Јутјуб/Принтскрин/Golden Hoops
