Комесарот на НБА, Адам Силвер, одржа прес-конференција на која потврди дека е донесена конечна одлука за проширување на лигата со уште две франшизи, но се осврна и на темата за потенцијална соработка меѓу НБА и Евролигата.
Како што се очекуваше, едно од клучните прашања беше поврзано со проектот НБА Европа и можноста за лансирање на нова Евролига веќе на есен 2027 година.
„Да, чувствувам дека овој термин е реален. Добро го познавам новиот извршен директор на Евролигата, Хесус „Чус“ Буено, со кого соработувам во НБА со години. Мислам дека е најдобро за доброто на европската кошарка да имаме заедничка Евролига и системски пристап кон развојот на играта. Ова вклучува соработка со Евролигата, националните лиги и ФИБА“, рече Силвер.
Конференцијата се одржа по повод едногласната одлука на сопствениците на франшизите на НБА за проширување на лигата. Како што беше претходно најавено, новите франшизи доаѓаат од Лас Вегас и Сиетл, кој на тој начин се враќа на мапата на НБА за прв пат од 2008 година.
Се очекува двата нови тима да играат во Западната конференција, по што една од постојните франшизи ќе биде преместена во Источната конференција. Минесота и Мемфис се споменуваат како потенцијални кандидати.
