Кошаркарите на ТФТ се на само еден чекор од пласман во големото финале на АБА 2 конкуренција, откако вчера забележаа гостински триумф со 88:93 во Никшиќ, на теренот на фаворизираниот тим на Сутјеска.
Извонредно одиграно прво полувреме имаа кошаркарите од Тафталиџе, во кое остварија голема предност (59:41), која успеаја да ја сочуваат во второто и да дојдат до уште една голема победа, на гостински терен, која им дава две меч-топки за пласман во финалната серија на АБА 2 лигата.
Одлично издание имаше репрезентативниот бек на „црно-белите“, Виктор Ташовски кој постигна 28 поени.
Вториот натпревар од ова серија, кој може да биде и последен е закажан за 15.април во Скопје.
