По заминувањето на Турчинот Омер Јуртсевен во развојната лига на НБА, а потоа и во првиот тим на Голден Стејт, Панатинаикос објави крај на соработката со уште еден кошаркар кој ги покрива позициите четири и пет.
Станува збор за 32-годишниот Ришон Холмс, а имаше индиции дека Американецот е на пат да си замине од грчкиот гигант.
Главниот тренер Ергин Атаман не го однесе во Сараево, каде Панатинаикос играше на гости и го победи Дубаи, а пред тоа го издвои додека ги критикуваше играчите по триумфот во кој го пречекаа АЕК во градското дерби.
„Не игравме одбрана, немаше пресинг. Нашите високи играчи, особено Холмс, спијат на паркетот. Тие не се движат во пикенролот и им дозволивме 31 поен во првата четвртина“, објасни Атаман тогаш.
Η ΚΑΕ Παναθηναϊκός AKTOR ανακοινώνει τη λύση της συνεργασίας της με τον Ρισόν Χολμς και του εύχεται καλή συνέχεια στην καριέρα του.
———-
Panathinaikos BC AKTOR announces the termination of its cooperation with Richaun Holmes. We thank him and wish him all the best in his life… pic.twitter.com/4nrzgj48QX
— Panathinaikos BC (@Paobcgr) March 24, 2026
Американецот висок 206 см создаде валидна причина навивачите на атинските зелени да го критикуваат со објава на социјалните мрежи во која стави до знаење дека изјавата го насмеала.
Веста за отпуштањето на Холмс дојде веднаш по натпреварот во салата Зетра, а на Атаман и спортскиот сектор не им беше тешко да донесат таква одлука бидејќи имаат доволно центри со враќањето на Матијас Лесор и потпишувањето на играчи како Кенет Фарид.
Холмс беше доведен како големо засилување бидејќи играше во НБА за Филаделфија, Феникс, Сакраменто, Далас и Вашингтон, а потпиша договор „еден плус еден“ кој наводно вреди речиси три милиони долари. Јанис Кузелоглу, поранешен играч на Партизан кој беше позајмен во Марусија, беше вратен во Панатинаикос.
Патанаикос ја продолжува „двојната програма“ од Евролигата против Монако на домашен терен, а натпреварот од 34-то коло е закажан за петок во 20:15 часот.
