Францускиот кошаркар Виктор Вембањама го постигна најбрзиот „дабл-дабл“ во историјата на НБА, во победата на Сан Антонио над Чикаго Булс (129:114) изминатава ноќ.
Лидерот во трката за МВП го заврши натпреварот со 41 поен и 16 скока, а достигна двоцифрен број во обете статистички категории на почетокот на втората четвртина.
Поточно, по осум минути и 31 секунда на паркетот, кога „фати“ 10 скока.
Со тоа, тој го надмина 60-годишниот рекорд, поставен во 1966 година од Џим Вашингтон. На тогашниот член на Сент Луис Хокс му беа потребни девет минути за „дабл-дабл“ против Њујорк Никс.
Со одличен почеток, Вембањама ја постави сцената за личен рекорд во постигнувањето поени за сезоната, а воедно ја оправда и својата позиција во конечната анкета за МВП пред Никола Јокиќ и Шеј Гилџиус-Александар.
Оваа сезона, Вембањама има просек од 24,2 поени, 11,3 скока и три асистенции.
 изминатава ноќ){kind=link}