Играчот на Сан Антонио Спарс, Виктор Вембенјама, изјави дека НБА е посветена на одбраната, спротивно на она што мислат некои фанови. Тој нагласи дека офанзивниот квалитет е одговорен за фактот што понекогаш изгледа поинаку.
Вембенјама е еден од најдобрите, ако не и најдобриот дефанзивец во светот. Неверојатните физички предиспозиции се негова главна алатка, но во изминатиот период тој исто така постигна голем напредок во читањето на играта.
По победата на Спарс над Милвоки Бакс, Французинот го даде своето мислење за тоа дали НБА навистина игра добра одбрана, или дали играчите се поштедени.
„Имаше многу муабети пред да дојдам во НБА: „Кога ќе стигнете во НБА, никој повеќе не игра одбрана“, „Нема одбрана во НБА“. Го слушав тоа многу пред да дојдам, но едноставно не е вистина. Играчите се толку добри“, рече Вембенјама, додавајќи:
„Бев изненаден од посветеноста на целиот тренерски персонал кога дојдов тука. Го слушнав тоа од други франшизи. И победнички и губитнички франшизи. Не победувавме многу тогаш. Луѓето навистина играат одбрана во НБА и прават детални извештаи од скаутирањето.“
Вембенјама има просек од 24,2 поени, 11,3 скока, 3 асистенции и 3,1 блокади по натпревар оваа сезона и е еден од кандидатите за наградата за најкорисен играч (МВП).
Сан Антонио е на второто место на Западот благодарение на рекорд од 56 победи и 18 порази.
Спарси се две победи зад бранителот на титулата Оклахома Сити Тандер.
